Alfonso Dominqes: "Uduzmağıma görə hər hansı bəhanə ola bilməz"

"Bu gün rinqdə istədiyim kimi alımadı. Mənim günüm deyildi".

İdman.biz xəbər verir ki, bunu Paris-2024 Olimpiadasında gümüş medal qazanan Alfonso Dominqes deyib.

92 kq çəki dərəcəsində mübarizə aparan Azərbaycan boksçusu finaldakı rəqibini yaxşı təhlil etdiyini bildirib. O, sadəcə qurduğu taktikanın nəticə vermədiyini etiraf edib: "Rinqdə istədiklərim alnmadığı üçün uduzdum. Ona görə də qızıl medal qazana bilmədim. Rəqibim də çox güclü idi. Rinqdə daha çox şey edəcəyimi düşünürdüm. Heyif ki, alınmadı. Rəqibim daha çox konsentrasiya olmuşdu və qalib gəldi. Döyüşdən əvvəl rəqibi təhlil etmişdim. Baxmayaraq ki, rəqib güclüdür öz taktikamı qurmuşdum. Amma nədənsə taktika istədiyim kimi alınmadı".

Alfonso Dominqes Los-Ancelesdə qızıl qazanmaq arzusu dilə gətirib: "Uduzmağıma görə hər hansı bəhanə ola bilməz. Heç vaxt bəhanələr axtarmamışam. Elə bir idmançıyam ki, uduzanda nəticəni olduğu kimi qəbul edirəm. Heç bir təzyiq yox idi. Əldə etdiyim nəticəni uğurlu sayıram. Tarix yazdım. Ardıcıl ikinci dəfə olimpiadada medal qazanan boksçu oldum. Hər kəsə təşəkkür edirəm. Medala görə xoşbəxtəm, amma qızıl olmasını istərdim. Los-Ancelesdə qızıl qazanmaq üçün çalışacağımı deyə bilərəm. Əlbəttə hamı qələbə qazanmaq istəyir. Mənim qismətimdə gümüş imiş. Finala kimi hər döyüşdən sonra Allah təşəkkür edirdim. Bu gün də məğlub olmağıma baxmayaraq, Tanrıya dua edəcəyəm ki, gümüş medal qazandım".

Qeyd edək ki, Tokio-2020 Olimpiadasına bürünc qazanan Alfonso Fransa paytaxtında gümüşə sevinib. O, finalda özbəkistanlı Lazizbek Mullojonov məğlub olub.