İdman.biz
"Böyük sevinc hissləri keçirirəm".
İdman.biz xəbər verir ki, bunu Paris-2024 Yay Olimpiya Oyunlarında gümüş medal qazanan Azərbaycan boksçusu Alfonso Dominqes (92 kq) Heydər Əliyev Beynəlxalq Aeroportunda qarşılama mərasimində jurnalistlərə açıqlamasında deyib.
Çıxışını dəyərləndirən Olimpiya mükafatçısı bildirib ki, daim Azərbaycanın adını uca tutması üçün çalışacaq: "Hər zaman bayrağımızı yüksəklərdə dalğalandıracam. Millətimizə təşəkkür edirəm ki, mənə hər zaman dəstək olaraq bu səviyyəyə çatdırdılar".
Alfonso sosial şəbəkə hesabında bir çox müzakirələrə səbəb olan paylaşımına da aydınlıq gətirib: "Hamı məni tənqid edə, eyni zamanda, tərifləyə bilər. Bu insanların fikridir. Hər kəsin fikrinə hörmətlə yanaşıram. Mənim paylaşımım xüsusi önəm daşımırdı. Sıradan bir paylaşım idi".
Qeyd edək ki, Alfonso Dominqes Paris-2024 Yay Olimpiya Oyunlarında gümüş medal qazanıb.
Banuçiçək Hüseynli
İdman.biz
