Idman.biz
ABŞ-də Amerika futbolu üzrə "Karolina Panters" və "Denver Broncos" komandaları arasında keçirilən matçda maraqlı hadisə yaşanıb.
İdman.Biz xəbər verir ki, qarşılaşmanın fasiləsində meydana korgi cinsindən olan it(qısa ayaqları, uzun bədəni və dik qulaqları ilə seçilən kiçik ölçülü it cinsidir) daxil olub.
"Karolina"nın mavi sviterini geyinmiş it meydanda sürətlə qaçmağa başlayıb. Stadionun mühafizəçiləri və əməkdaşları onu tutmaqda çətinlik çəkiblər.
Nəticədə bir neçə nəfər itin qarşısını kəsərək onu meydanın 40 yard xəttinə qədər sıxışdırıb və meydandan çıxarıb.
Qeyd edək ki, qarşılaşma "Denver Broncos"un 26:21 hesablı qələbəsi ilə başa çatıb. Maraqlı an televiziya yayımına düşüb və sonradan sosial şəbəkələrdə geniş yayılıb.
