İdman.biz
Azərbaycan millisinin Olimpiya Oyunlarında qazandığı medalların ümumi sayı 51-ə çatıb.
İdman.biz xəbər verir ki, ikinci "əllilik" cüdoçu Zelim Kotsoyevlə başlayıb.
100 kq çəkidə çıxış edən cüdoçumuz Paris-2024-də fərqlənib. O, Fransa paytaxtında qızıl medala sahib olub. Bu, yığmamızın 9-cu çempionluğu kimi tarixə düşüb.
Olimpiadalarda debütü Atlanta-1996-ya təsadüf edən millimiz Paris-2024-ə qədər 49 mükafat qazanmışdı. Bunlardan 7-si qızıl, 14-ü gümüş, 28-i bürünc idi.
Fransa tatamisində fərqlənən Hidayət Heydərovla (73 kq) Zelim Kotsoyevin medalları ilə bu rəqəm 51-ə yüksəlib. Yığmamız 9 qızıl, 14 gümüş və 28 bürüncə sahib çıxıb.
Qeyd edək ki, ilk Olimpiya medalımızı Atlanta-1996-da gümüşə sahib çıxan Namiq Abdullayev əldə edib.
Vüqar Xeyrullayev
İdman.biz
