Idman.biz
Mançester şəhərindən olan 2 yaşlı Cud "TikTok"da böyük marağa səbəb olub.
İdman.Biz xəbər verir ki, balaca uşaq bilyard oynamaq bacarığı ilə milyonlarla izləyicinin diqqətini çəkib.
Videolarda Cudun stulun üzərinə çıxıb, ağzında əmziklə, topa düzgün nişan alaraq topu dəqiq şəkildə lüzaya göndərdiyi görünür. Onun bu bacarığı sosial şəbəkədə geniş yayılıb və qısa müddətdə viral olub.
Cudun atası bildirib ki, ilk dəfə oğluna bilyard göstərərkən gördükləri onu təəccübləndirib:
"Sadəcə necə oynandığını göstərdim. O isə dərhal kiyi necə tutmalı olduğunu və necə nişan almaq lazım olduğunu başa düşdü. Elə bil bunu həmişə edib."
