Sport24.az
Monteneqronun Budva şəhərində gənc boksçular arasında Dünya kuboku statuslu "Adriatik incisi" beynəlxalq turnirinə yekun vurulub. Sport24.az xəbər verir ki, Azərbaycan millisi yarışda 1 qızıl və 3 bürünc medal qazanıb.
Turnirin son günündə Zidan Hümbətov (54 kq) finalda qazaxıstanlı Aldiyar Bahadurla qarşılaşıb. Görüşü yüksək səviyyədə keçirən boksçumuz rəqibini 4:1 (29:28, 29:28, 29:28, 29:28, 28:29) hesabı ilə məğlub edib. Və boksçumuz "Adriatik incisi"nin qalibi olub.
Qeyd edək ki, ondan öncə Banuçiçək Nəsirli (48 kq), Özləm Həsənova (66 kq) və İlkanə Əhmədova (+81 kq) bürünc medala yiyələniblər.
