Sport24.az
"Azərbaycan çempionatından sonra ilk təlim-məşq toplanışımızdır. Əsasən fiziki hazırlığa diqqət yetirdik. Ümumilikdə, toplanışda 40-a yaxın boksçu iştirak etdi. Onlar yığmanın 1, 2 və 3 nömrəli boksçularıdır". Sport24.az xəbər verir ki, bunu boks üzrə Azərbaycan yığmasının baş məşqşisi Ravşan Xocayev deyib.
Özbəkistanlı mütəxəssis millimizin Göygöldə keçirilən təlim-məşq toplanışını dəyərləndirib və gələcək planlar barədə məlumat verib:
"Planlarımıza uyğun növbəti toplanış Bakıda Boks Mərkəzində təşkil olunacaq. Əsas diqqətimizi Bolqarıstanda təşkil ediləcək beynəlxalq turnirin hazırlığına yönəltmişik. Bu turnir qeyri-rəsmi kiçik dünya çempionatı adlanır. Özbəkistan, Qazaxıstan və Avropanın güclü boks ölkələri bu yarışda 2-3 heyətlə iştirak edəcəklər. Biz də orada 1-ci və 2-ci heyətimizi sınaqdan keçirmək istəyirik. Bolqarıstandakı turnirdə bəzi çəki dərəcələrində Azərbaycan çempionatında iştirak edən boksçuların beynəlxalq arenadakı güclərini yoxlayacağıq. Bundan əlavə mayın sonunda təşkil olunacaq dünya çempionatına hazırlıq mərhələsi olacaq. Bu məqsədlə Özbəkistan və Qazaxıstan komandaları ilə Kislovodskda təlim-məşq toplanışı keçirəcəyik".
