Idman.biz
"Camaal Hill çempionluq yarışına geri dönməyi planlaşdırır və bunun üçün Xalil Rountree ilə döyüşdə parlaq qələbə qazanmağa çalışacaq".
İdman.biz xəbər verir ki, bunu UFC-nin rəsmi saytı iyunun 21-də Bakıda keçiriləcək turnir ərəfəsində yazıb.
Turnirin əsas döyüşü məhz amerikalılar Camaal Hill və Xalil Rountree arasında olacaq.
Hillin hesabında 12 qələbə və 3 məğlubiyyət var: "UFC-nin yarımağır çəki dərəcəsində sabiq çempionu Camaal Hill 2025-ci ildə ikinci döyüşünü keçirmək üçün mümkün qədər tez oktaqona qayıtmağı planlaşdırır. Amerikalı "Dana White"s Contender Series" layihəsinin UFC çempionu olmuş ilk iştirakçısıdır. Hill titul yolunda Tiaqo Santos, Conni Uoker və Cimmi Krutu məğlub etmişdi".
Öz növbəsində, Rountree (14 qələbə, 6 məğlubiyyət) ötən ilin oktyabrında UFC 307-də Aleks Pereira ilə keçirdiyi möhtəşəm titul döyüşündən sonra ilk dəfə oktaqona çıxacaq: "Xalil qələbələrindən 9-unu nokautla qazanan, Karlos Dakas, Karl Roberson və Modestas Bukauskas üzərində parlaq qələbələrə sahib olan, effektli zərbələri ilə tanınan döyüşçüdür. Onun növbəti möhtəşəm uğuru ilk "beşlik"də Hillin yerini tutmasına və titul iddiasına qayıtmasına səbəb ola bilər".
İdman.biz
