Idman.biz
Yüngül çəki dərəcəsində UFC çempionu İlya Topuriya 2026-cı il mövsümü ilə bağlı iddialı açıqlama verib.
İdman.Biz xəbər verir ki, UFC-nin onun Çarls Oliveyra üzərində qazandığı qələbəni ilin ən yaxşı nokautu kimi qiymətləndirməsinə cavab verən Topuriya "X" sosial şəbəkəsində belə yazıb:
"Növbəti mövsümdə də ilin ən yaxşı nokautu mükafatı mənə məxsus olacaq".
"Matador" ləqəbli döyüşçü daha əvvəl açıqlamışdı ki, oktaqona qayıdışını aprel-iyun ayları aralığında planlaşdırır. Onun sözlərinə görə, növbəti rəqibi müvəqqəti çempionluq uğrunda keçiriləcək UFC 324 turnirinin qalibi olacaq.
Həmin döyüşdə Castin Qetje ilə Paddi Pimblett qarşılaşacaq. Turnir 25 yanvar tarixində ABŞ-nin Nevada ştatının Las-Veqas şəhərində keçiriləcək.
