Idman.biz
"Döyüş yaxşı keçdi".
Bunu İdman.biz-ə Azərbaycan kikboksçusu Surət Qarayev deyib.
O, "Sensi-26" liqasında keçirdiyi son döyüşündən danışıb. Qarayev bildirib ki, Fil Dişi Sahilindan olan Oli Yves Rolandla Plovdivdə baş tutan görüşdə boksçu olmağı köməyinə çatıb: "Rəqibim güclü olsa da, ürəklə, istəklə çıxmışdım. Udmaq istəyirdim. Elə bu istək hesabına da qalib gəldim. Döyüş başlayan kimi rəqib ayaqlarıma vurmağa başladı, istədi ki, əvvəlcə ayaqlarım boşalsın. Ancaq mən onu əllərlə silkələyəndən sonra o həm duruşunu, həm də ayağını "itirdi". Beləcə döyüş biz tərəfə çevrildi və qələbə qazandım".
İdmançı bildirib ki, növbəti döyüşü boksda olacaq: "İyulun altısı Almaniyada növbəti döyüşüm olacaq. Hələ ki, istirahət edirik. Mayın 26-dan məşqlərə start verəcəyik. Milli komandanın heyətində hazırlaşacam. Məşqlər əsasən Bakıda olacaq. İyulda boksda Dünya Kubokumuz da var. Həm boksa, həm də peşəkar kikboksinq döyüşümüzə var gücümüzlə hazırlaşacağıq".
Qeyd edək ki, Almaniyada baş tutacaq döyüşdə Surət Qarayevin rəqibi 34 yaşlı kolumbiyalı boksçu Deivis Kasseres olacaq.
Aytac Sahəd
İdman.biz
