Idman.biz
31 yaşlı keçmiş yüngül çəkili UFC çempionu, amerikalı Şon O'Melli, ABŞ-ın Las Veqas şəhərində keçirilən və 61 kq çəki dərəcəsində UFC kəməri təhlükədə olan yarışdan danışıb.
İdman.Biz-in məlumatına görə, amerikalı UFC 323-ün əsas hadisəsi olan rusiyalı Petr Yan və gürcüstanlı Merab Dvalişvili arasındakı revanş döyüşünə maraqlı şərh verib.
"Petr Yan lənətə gəlmiş qatil kimi görünürdü. Bu, yüngül çəki tarixindəki ən böyük döyüşdür, bunu cəsarətlə deyirəm. Aman Allahım, bu, atışma idi. Bəlkə də Petrin Merabın başına vurduğu an mənim telefonumun yeni üz şəkli olacaq", - MMAJunkie portal O'Mellidən sitat gətirib.
Xatırladaq ki, Petr və Merab arasındakı ilk döyüş 11 mart 2023-cü ildə UFC Fight Night 221-də baş tutub. Döyüş bütün beş raund davam edib və Dvalişvilinin yekdil qərarla qələbəsi ilə başa çatıb. Bu, Yanın ardıcıl üçüncü məğlubiyyəti idi.
Yanla Dvalişvili arasındakı revanş döyüşü Las-Veqasda dekabrın 6-sı gecəsi baş tutub. Bu dəfə Petr Yan hakimlərin yekdil qərarı ilə qalib gəlib və yüngül çəki dərəcəsində çempionluq kəmərini geri qaytarıb.
