Idman.biz
34 yaşlı keçmiş UFC orta çəki çempionu, avstraliyalı Robert Uittaker boksa keçməkdə maraqlı olduğunu bildirib.
İdman.Biz-in məlumatına görə, o, bu barədə "MMA Insight" saytına danışıb.
"Bəli, bu, sözsüz ki, məni maraqlandırır. Əlbəttə, mən özümü boksda sınamaq istərdim. Bu, məni xüsusi olaraq maraqlandırır, xüsusən də bir çox oğlan kimi boks dövründən keçməli olmadığım üçün. Əgər birbaşa bu döyüşlərə qoşula bilsəydim, siz onları necə adlandırardız? Onlar hansı döyüşlər olardı? Bu, UFC döyüşçülərinin qatıldığı və iştirak etdiyi döyüşlər kimidir... Bu cür döyüşlər. Siz mənim nədən danışdığımı başa düşürsüz.
Düşünürəm ki, orada yaxşı pul qazanmaq olar və bu, mənə formada qalmağa kömək edərdi. Mən idmanın bu aspektindən mütləq zövq alıram. Mən həmişə zərbə endirməyi sevmişəm. Bu sahəyə getmək əla olardı. Bu, gözəl, təravətləndirici bir dəyişiklik olardı", - deyə Uittaker "MMA Insight"a bildirib.
