Idman.biz
Yüngül çəkidə (70 kq) UFC döyüşçüsü azərbaycanlı Rafael Fiziyev Braziliyanın Rio-de-Janeyro şəhərində "UFC Fight Night 261"də braziliyalı Çarlz Oliveyra ilə döyüşdən geri çəkilməsindən danışıb.
İdman.Biz bildirir ki, zədə səbəbindən geri çəkilən Fiziyevi polyak Mateuş Qamrot əvəz edib. Oktyabrın 12-də baş tutan qarşılaşmada Oliveyra qalib gəlib.
"Özümü çox pis hiss edirəm. Çox pis. Döyüşə bilmədim. Bu, karyeramda ikinci dəfədir ki, baş verir. Özümü çox pis hiss edirəm, çünki bu, əfsanəvi Çarlza qarşı arzuladığım döyüş idi. Bu, hər bir döyüşçü üçün əlamətdar hadisədir.
Mən onun ərazisinə getməliydim, bu məni motivasiya edirdi, onun mənə qarşı olan adamlarını görməliydim. Bu məni həmişə motivasiya edib. Çünki təkcə bu oğlanı yox, ətrafımdakı hər kəsi əzmək istəyirəm. Əgər onu əzsəm, hamı dəli olacaq və ya mənim fanatıma çevriləcək... mənim tərəfimə keçəcəklər", - Fiziyev deyib.
