Idman.biz
Sentyabrın sonunda Peşəkar Döyüşçülər Liqasının (PFL) promouşenində döyüşmüş polşalı idmançı Yan Çieplovski həbs edilib.
İdman.Biz bildirir ki, bu barədə X sosial şəbəkəsində məlumat verilib.
Məlumata görə, Polşa polisi Yan Çieplovskini qadağan olunmuş psixoaktiv maddələri yayan mütəşəkkil qrupda iştirak etdiklərinə görə dörd nəfərlə birlikdə həbs edib. Qrup Polşada cinayətkar fəaliyyətlə əlaqələndirilir və 26 yaşlı MMA döyüşçüsü 12 ilə qədər həbs cəzası ilə üzləşə bilər.
Fransada keçirilən "PFL Europe 3" turnirində Çieplovski Din Qarnettlə döyüşüb və məğlub olub. Bu, onun 10 döyüşdə ilk məğlubiyyəti olub.
