Idman.biz
Yüngül çəki dərəcəsində çıxış edən Umar Nurməhəmmədovun növbəti qələbəsi titul döyüşünə birbaşa yol açmadı. ABŞ-də keçirilən UFC 324 turnirində o, keçmiş çempion Deivison Fiqeyredu ilə qarşılaşıb.
İdman.Biz xəbər verir ki, döyüşdə Nurməhəmmədov hakimlərin yekdil qərarı ilə qalib gəlib. Qarşılaşma gözlənildiyi kimi erkən nokautla yox, daha çox nəzarət və taktika üzərində qurulub.
Umar son döyüşünü ötən ilin oktyabrında keçirərək səkkiz görüşlük məğlubiyyətsiz seriyaya malik Mario Bautistanı məğlub etmişdi. Həmin qələbədən sonra Ramazan ayına qədər daha bir döyüş keçirmək istədiyini bildirən Nurməhəmmədov reytinqdə mövqeyini möhkəmləndirməyi hədəfləyirdi. UFC rəhbərliyi onu çəki dərəcəsində ikinci pillədə olan idmançı kimi altıncı sırada qərarlaşan təcrübəli Deivison Fiqeyredu ilə üz-üzə gətirdi.
2023-cü ilin dekabrından yüngül çəki dərəcəsində çıxış edən Fiqeyredu əvvəlcə üç qələbə qazanaraq ilk beşliyə daxil olmuş, daha sonra Pyotr Yan və Kori Sandhagenlə döyüşlərdə uduzmuşdu. 2025-ci ilin oktyabrında isə Montel Cekson üzərində qələbə ilə yenidən yüksəlişə keçmişdi. Buna baxmayaraq, Nurməhəmmədovla görüşə turnirin əsas autsayderi statusunda çıxmış, üstəlik çəki salmaqda da çətinlik yaşamışdı.
Döyüşün əvvəlində HəbibNurməhəmmədovun məsləhətini dinləyən Umar emosiyalara qapılmadan oktaqonun mərkəzini tutub və hər üç raundu qazanaraq növbəti inamlı qələbəsini rəsmiləşdirib. Erkən bitiş gözləyənlər üçün bu döyüş sakit keçsə də, taktiki baxımdan kifayət qədər yetkin çıxış oldu. Bununla belə, bu nəticə hələlik titul döyüşü üçün kifayət etməyib və Nurməhəmmədovun çempionluq yolunda daha bir qarşılaşma keçirməsi gözlənilir.
