Idman.biz
Milli Hokkey Liqasının (NHL) müntəzəm çempionatında baş tutan "San-Xose"- "Florida" oyununda oyunçular arasında insident yaşanıb. Qarşılaşma zamanı buz üzərində baş verən davaya hər iki komandanın qapıçısı da qoşulub.
İdman.Biz-in xarici KİV-ə istinadən verdiyi məlumata görə, meydança oyunçuları arasında kütləvi dava zamanı qapıçılardan biri hadisəyə müdaxilə edib.
Bundan sonra onun həmkarı bütün meydançanı keçərək qarşı tərəflə güc tətbiq edib.
Oyundan sonra epizod iştirakçılarından biri rəqibinin hərəkətlərini yolverilməz saydığını və buna biganə qala bilmədiyini bildirib.
Qeyd edək ki, NHL-də qapıçılar arasında davalar son dərəcə nadir hallarda baş verir və liqada son oxşar hadisə altı il əvvəl qeydə alınıb.
