Idman.biz
Azərbaycanlı UFC döyüşçüsü Nazim Sadıxov təşkilatın iyunun 21-də Bakıda keçiriləcək debüt turnirinə fəal şəkildə hazırlaşır.
İdman.biz xəbər verir ki, o, təlim-məşq toplanışı çərçivəsində idman zalında yüksək səviyyəli partnyorları - yüngül çəki dərəcəsində hazırkı UFC çempionu Merab Dvalişvili və eyni kateqoriyalı keçmiş çempion Alcameyn Sterlinqlə hazırlaşır.
Amansız tempi və diqqətəlayiq dözümlülüyü ilə "Maşın" ləqəbi ilə tanınan Merab Dvalişvili ötən il Sean O'Malleyi məğlub edərək titul qazanıb. Gürcüstanlı idmançı UFC-də əla qələbə seriyasına malikdir və öz çəki dərəcəsində ən güclü döyüşçülərdən biri hesab olunur.
Məşqlərdən birindən sonra Dvalişvili Sadıxov və Sterlinqlə birgə fotosunu yerləşdirərək belə yazıb: "Nyu Yorklu uşaqlarla əla hazırlıq".
Qeyd edək ki, Nazim Sadıxovun Azərbaycandakı ilk UFC yarışında rəqibi braziliyalı Nikolas Motta olacaq.
İdman.biz
