Idman.biz
Azərbaycanlı UFC döyüşçüsü Nazim Sadıxov 2018-ci ildə Las-Veqasda "UFC 229"da Həbib Nurməhəmmədovla Konor Makqreqor arasında baş tutan titul döyüşünü şərh edib.
İdman.Biz-in məlumatına görə, Sadıxov qeyd edib ki, döyüş adi idman yarışından daha çox əhəmiyyət kəsb edib.
"Nurməhəmmədov öz xalqını təmsil etdi və bütün dünya Konor üzərində qələbəsindən sonra onun necə qarşılandığını gördü. Bu, döyüşdən daha çox idi - bu, idmanı aşan mədəni fenomen oldu", - Sadıxov "Uncaged Network" podkastında deyib.
Xatırladaq ki, Həbib Nurməhəmmədov dördüncü raundda qalib gələrək yüngül çəkidə titulunu uğurla qoruyub.
