Idman.biz
İyunun 21-də Azərbaycanda ilk dəfə Bakıda UFC turniri keçiriləcək və burada gecənin əsas döyüşündə yarımağır çəkidə aparıcı idmançılardan olan Camal Hill və Xalil Rountree üz-üzə gələcəklər.
İdman.biz xəbər verir ki, ondan əvvəl isə maraqlı yüngül çəkilər Rafael Fiziyev və İqnasio Bahamondes arasında görüş olacaq.
Rusiyanın "Sport24" saytı məqaləsində bildirir ki, qarşıdakı döyüş Fiziyev üçün UFC-də 11-ci olacaq. 32 yaşlı azərbaycanlı hazırda karyerasının ən çətin dövrünü yaşayır: belə ki, son üç döyüşündə məğlub olub. Bu uğursuzluqlar 2023-cü ilin martından 2025-ci ilin martına kimi baş verib: Fiziyev iki dəfə Castin Qetjiyə hakimlərin qərarı ilə, Mateuş Qamrota isə ağır zədə səbəbindən məğlub olub. O, diz bağlarının yırtılmasından sonra iki il müalicə alaraq iki ay əvvəl qayıdıb. O, Qetji ilə revanş döyüşü keçirdi və amerikalı ikinci dəfə azərbaycanlıdan güclü olduğunu sübut etdi.
Halbuki 2023-cü ilin yazına - Qetjiyə ilk dəfə məğlub olana qədər Fiziyev ardıcıl altı qələbə qazanmışdı və yüngül çəki reytinqində 6cı sırada yer almışdı. İndi bütün uğursuzluqlardan sonra azərbaycanlı döyüşçü 11-ci yerə düşüb. Amma bir vaxtlar o, divizionda titul uğrunda ən parlaq iddiaçılardan biri hesab olunurdu. Üstəlik, Fiziyevin UFC-yə qeyri-adi gəlişi ilə bağlı hekayə də var idi. 2019-cu ildə Rafael liqada döyüşmək üçün ilk şansını o vaxtk rəqibin əla zərbəsindən ustalıqla yayınması ilə bağlı videosunun sosial şəbəkələrdə populyarlaşması sayəsində əldə etmişdi. UFC prezidenti Dana Uaytı heyran edən bu video sayəsində azərbaycanlı bir müddət "Matritsadan olan döyüşçü" də adlandırılmışdı.
Fiziyevin yeni rəqibi 27 yaşlı çilili İqnasio Bahamondes olacaq. Onun liqada səkkiz döyüşü və altı qələbəsi var. Bahamondes hazırda üç döyüşlük qələbə seriyasına malikdir və liqanın yüksəlməkdə olan ulduzu hesab olunur. Onun hesabında vaxtından əvvəl qazanılmış beş qələbə var və 2022-ci ildə "Dana Uaytın iddiaçılar seriyası" sayəsində liqaya qoşulub. 2025-ci ilin martında Bahamondes artıq birinci raundda Callin Törneri məğlub edib və indi o, yüngül çəkinin ilk 10-luğuna yaxınlaşmaq imkanı qazanıb.
Hər iki rəqib üçün qarşıdakı döyüş böyük əhəmiyyət kəsb edir. Fiziyev qalib gəlsə, üç döyüşdən ibarət xoşagəlməz seriyaya son qoyacaq ki, bu da onun hazırda yüksək sayılmayan UFC perspektivlərinə müsbət təsir göstərmiş olacaq. Bahamondesin isə təkcə ilk 11-liyə düşmək deyil, həm də liqanın ulduzlarından biri ilə döyüşə vəsiqə qazanmaq şansı var.
İdman.biz
