Sport24.az
Rumıniyada gənc boksçular arasında keçirilən "Drakula Open" beynəlxalq turnirinə yekun vurulub. Sport24.az xəbər verir ki, 23 ölkənin qatıldığı yarışı Azərbaycan millisi 4 qızıl, 1 gümüş və 4 bürünc medalla başa vurub.
Komandamızın heyətində Bilalhəbaşi Nəzərov (51 kq), Zidan Hümbətov (54 kq), Sübhan Babayev (57 kq) və Məhəmməd Cəfərov (+92 kq) fəxri kürsünün ən yüksək pilləsinə qalxıblar.
Digər boksçularımızdan Hikmət Məmmədov (48 kq) gümüş, Baqir Əmirxanlı (60 kq), Abbasqulu Şadlinski (75 kq), Mircəlal Mirağayev (80 kq) və Hüseyn Hüseynli (92 kq) bürünc medal qazanıb.
Qeyd edək ki, "Drakula Open"i 9 mükafatla başa vuran Azərbaycan millisi komanda hesabında ikinci olub.
