İdman.biz
"Bu, böyük qələbədir. Çünki onun arxasında nəhəng əmək, zəhmət durur".
İdman.biz xəbər verir ki, bunu Azərbaycan boksçusu Əli İsmayılov deyib.
Peşəkar rinqə qayıdan 50 yaşlı veteran MDB ölkələrinin çempionu tituluna yiyələnməsinə şərh verib: "Qayıtdıqdan sonra bu aylar ərzində çalışmışıq. Üçüncü dəfədir bura gəlirik. Bu dəfə istəyimizə çatdıq. Dəvətə görə təşəkkür edirəm. Təşkilatçılar sağ olsunlar ki, çıxış etmək, qalib gəlmək, azarkeşlərimizi sevindirmək üçün belə şərait yaradıblar. Çox şadam, dəstəyiniz üçün təşəkkür edirəm, hamınızı sevirəm. Bu qələbəmi ilk növbədə döyüşü doğma Azərbaycan, böyük və günəşli Bakıda televiziya ilə izləyən öz ailəmə, həyat yoldaşıma, oğluma, qızıma həsr edirəm. Onlar oturub, baxıb, izləyir, azarkeşlik edirdilər. Bütün moskvalılara, o cümlədən burada yaşayan bütün azərbaycanlılara dəstək üçün təşəkkürümü bildirirəm. Şadam ki, gözəl və baxımlı qələbəmlə onları sevindirə bildim".
İsmayılov hədəfini də açıqlayıb: "Corc Formen, Roy Cons, Evander Holifild kimi mən də versiyalardan birində dünya çempionu olmaq istəyirəm. Buna mütləq nail olacam".
Qeyd edək ki, Əli Rasul Maqomedova qalib gələrək çempion adını qazanıb.
İdman.biz
