Idman.biz
"MisFits" liqasının yüngül çəki dərəcəsi üzrə çempionu amerikalı Dillon Denis əfsanəvi irlandiyalı döyüşçü, UFC tarixində ilk ikiqat çempion Konor Makqreqorla məşhur məğlubedilməz rusiyalı Həbib Nurməhəmmədov arasındakı görüşdən danışıb.
İdman.Biz-in məlumatına görə, Dillon və Konor dostdurlar.
Demetrius Conson YouTube kanalında Denisə "Siz o gecə Həbibi vurmadınız - Həbib sizin oğlanı (Konoru-red.) boğdu və siz orada oturub buna baxdınız" deyə irad bildirib.
Denis isə cavabında deyib: "Mən bir neçə yumruq vurdum, narahat olmayın. Ancaq Konora sadəcə, revanş döyüşü təşkil edin və görün nə baş verir".
Dağıstanlı UFC çempionu Həbib Nurməhəmmədov 2018-ci ilin oktyabr ayında irlandiyalı Konor Makqreqoru təslim olmağa məcbur edərək çempion titulunu uğurla qoruyub.
Döyüşün sonunda Nurməhəmmədovla Makqreqorun məşqçiləri arasında dava düşdüyündən, oktaqondan kənarda ara qarışıb. Hətta məğlubiyyətdən sonra pis vəziyyətə düşən Makqreqoru da oktaqona daxil olaraq vuran tapılıb.
Nəticədə hər iki idmançı zaldan çıxarılıb və kəmər Nurməhəmmədova təqdim edilməyib. Bununla belə, məhz Həbib Nurməhəmmədov qalib elan olunub.
