Sport24.az
Super orta çəkidə Böyük Britaniyanın keçmiş çempionu Lennoks Klark ölkəsində narkotik ticarətinə görə 6 il müddətinə azadlıqdan məhrum edilib. Sport24.az xəbər verir ki, 33 yaşlı peşəkar boksçu narkotik alverçilərinə müntəzəm tədarüklər edib, şübhə altına düşəndə isə ölkədən qaçaraq bir müddət İrlandiya, Tailand və Meksikada gizlənib.
"Allboxing" xəbər verir ki, Klark Britaniyaya qayıdan kimi dərhal həbs edilib.
O, karyerası ərzində 23 döyüş keçirib, 20 qələbə qazanıb (8-i nokautla), 2 dəfə məğlub olub və 1 dəfə də heç-heçə edib. Klarkın son döyüşü 2022-ci ilin iyulunda olub və o, həmyerlisi Mark Heffrona beşinci raundda texniki nokautla uduzub.
