İdman.biz
Tailandın paytaxtı Banqkokda boks üzrə II Dünya Olimpiya Təsnifat Turnirində 2 lisenziya qazanan Azərbaycan milli komandası Vətənə qayıdıb.
İdman.biz xəbər verir ki, yığmanı Heydər Əliyev Beynəlxalq Aeroportunda Gənclər və İdman Nazirliyinin əməkdaşları, Boks Federasiyasının kollektivi, idman ictimaiyyətinin nümayəndələri, bokssevərlər və idmançıların ailə üzvləri qarşılayıblar.
Boksçularımızdan Malik Həsənovla (63,5 kq) Alfonso Dominqes (92 kq) Paris-2024 Yay Olimpiya Oyunlarına lisenziya qazanıb. Bununla da milli komandamızın Olimpiadaya yollanacaq idmançılarının sayı 5-ə yüksəlib. Daha öncə Nicat Hüseynov (51 kq), Murad Allahverdiyev (80 kq) və Məhəmməd Abdullayev bu hüquqa yiyələnib.
Qeyd edək ki, Oyunlarda boks yarışları iyulun 27-dən avqustun 10-dək davam edəcək.
İdman.biz
