Idman.biz
Azərbaycan paytaxtında təşkil olunan UFC gecəsinə yekun vurulub.
İdman.biz xəbər verir ki, Bakı Kristal Zalında keçirilən "UFC Fight Night"də 12 döyüş baş tutub.
Turnirdə Azərbaycan 3 döyüşçü ilə təmsil olunub. Tarixi gecədə ikinci ən vacib döyüş reytinq cədvəlinin 11-cisi olan Rafael Fiziyevlə çilili İqnasio Baxamondes arasında keçirilib və təmilçimiz hakimlərin yekdil qərarı qalib gəlib.
Digər təmsilçimiz Nazim Sadıxov braziliyalı Nikolas Motta ilə münasibətinə aydınlıq gətirib. Döyüşçümüz ikinci raundda texniki nokautla güclü rəqibini məğlub edib.
UFC-də debüt edən Tofiq Musayev azarkeşləri sevindirə bilməyib. O, kifayət qədər təcrübəli qırğız Mıktıbek Oralbaya uduzub.
"UFC Fight Night"in əsas döyüşü isə keçmiş yarım ağır çəki çempionu Camaal Hilllə sabiq kəmər iddiaçısı Xalil Rauntri arasında baş tutub. Görüş Rauntrinin qələbəsi ilə yekunlaşıb.
"UFC Fight Night"
Əsas kart
Yarım yüngül çəki: Muhammad Nayimov (12-3-0, Tacikistan) - Boqdan Qrad (15-2-0, Avstriya), Hakimlərin qərarı - 29:28, 29:28, 29:28
Yüngül çəki: Nazim Sadıxov (10-1-1, Azərbaycan) - Nikolas Motta (15-5-0, Braziliya), Texniki nokaut, 2-ci raund
Yüngül çəki: Mıktıbek Orolbay (13-2-1, Qırğızıstan) - Tofiq Musayev (debütant, Azərbaycan), Ağrıdıcı fənd, 1-ci raund
Ağır çəki: Körtis Bleyds (18-5-0, ABŞ) - Rizvan Kuniyev (12-2-1, Rusiya), Hakimlərin qərarı - 29:28, 29:28, 29:28
Yüngül çəki: Rafael Fiziyev (12-4-0, Azərbaycan) - İqnasio Baxamondes (17-5-0, Çili), Hakimlərin qərarı - 30:27, 30:27, 30:27
Yarım ağır çəki: Xalil Rauntri Jr (14-6-0, ABŞ) - Camal Hill (12-3-0, ABŞ), Hakimlərin qərarı - 49:46, 50:45, 50:45
***
01:39
Bakıda keçirilən UFC turnirində növbəti Azərbaycanın son döyüşçüsü oktaqona çıxıb.
İdman.biz xəbər verir ki, yüngül çəkidə Rafael Fiziyev (12-4-0, Azərbaycan) - İqnasio Baxamondes (17-5-0, Çili) qarşıdurması baş tutub.
Son raundda rəqibini üstələyən Rafael görüşün qalibi elan olunub.
***
00:46
Bakıda keçirilən UFC turnirində növbəti Azərbaycanlı döyüşçüsü öz görüşünü keçirib.
İdman.biz xəbər verir ki, yüngül çəkidə Tofiq Musayev (debütant, Azərbaycan) Mıktıbek Orolbay (13-2-1, Qırğızıstan) qarşılaşıb.
Təmsilçimiz ilk raundda ağrıdıcı fəndlə uduzub.
***
00:01
Bakıda keçirilən UFC turnirində ilk azərbaycanlı döyüşçü oktaqona çıxıb.
İdman.biz xəbər verir ki, Nazim Sadıxov (10-1-1, Azərbaycan) Nikolas Motta (15-5-0, Braziliya) ilə yarışıb.
Əsas kartın ikinci döyüşündə ilk texniki nokaut qeydə alınıb. Nazim görüşün ikinci raundunda güclü zərbələrlə Mottanı məğlub edib. O, qələbə sevincini Azərbaycan rəqsi ilə yaşayıb.
***
Ağır çəkidə Körtis Bleyds (18-5-0, ABŞ) - Rizvan Kuniyev (12-2-1, Rusiya) qüvvəsini sınayıb.
İdman.biz xəbər verir ki, mübarizə bərabər şəraitdə keçib.
Sonda hakimlər bir xal fərqi ilə Bleydisin qələbə qazandığını müəyyənləşdiriblər.
***
23:40
Bu gün Bakıda ilk dəfə keçirilən UFC turnirində Əsas kartın ilk döyüşü başa çatıb.
İdman.biz xəbər verir ki, yarım yüngül çəkidə Muhammad Nayimov (12-3-0, Tacikistan) - Boqdan Qrad (15-2-0, Avstriya) qarşılaşıb.
Bərabər mübarizə şəratində keçən döyüşün qalibi hakimlərin qərarından sonra bəlli olub. Muhammad kiçik fərqlə qələbə qazanıb.
***
23:15
Bu gün Bakıda ilk dəfə UFC turniri keçirilir.
İdman.biz xəbər verir ki, Bakı Kristal Zalında keçiriləcək "UFC Fight Night"də 6 döyüşə yekun vurulub.
Turnirdə Azərbaycan 3 döyüşçü ilə təmsil olunur.
Tarixi gecədə ikinci ən vacib döyüş reytinq cədvəlinin 11-cisi olan Rafael Fiziyevlə çilili İqnasio Baxamondes arasında keçiriləcək. Digər təmsilçimiz Nazim Sadıxov braziliyalı Nikolas Motta ilə münasibətinə aydınlıq gətirəcək. UFC-nin debütantı Tofiq Musayev isə qırğız Mıktıbek Oralbayla üz-üzə gələcək.
"UFC Fight Night"in əsas döyüşü isə keçmiş yarım ağır çəki çempionu Camaal Hilllə sabiq kəmər iddiaçısı Xalil Rauntri arasında baş tutacaq.
İdman.biz
