Idman.biz
Azərbaycanın və ASED təşkilatının MMA döyüşçüsü Turac Əliyev növbəti sınağına çıxacaq.
İdman.biz xəbər verir ki, "Tank" ləqəbli döyüşçümüz mayın 30-da GFC liqasının turnirində qüvvəsini sınayacaq.
61 kq çəkidə çıxış edən idmançımız Gürcüstanın paytaxtı Tbilisidə kəmər uğrunda döyüşəcək. Onun rəqibi yerli Dmitri Bolkavadze olacaq.
Bu, peşəkar karyerasında 6 qələbəsi olan Turacın 8-ci döyüşüdür. Bolkavadze isə 10 sınaqdan 8-də qalib gəlib.
Qeyd edək ki, "Tank" GFC liqasında keçirdiyi 2 döyüşdə məğlubedilməz rəqibləri Nika Jakoniya (8 qələbə) və Badri Potshraşvili (6 qələbə) üzərində qələbələri sıralayıb.
İdman.biz
