Idman.biz
Boks üzrə Azərbaycan çempionatına start verilib. 33 komandanın 166 idmançısının qatıldığı yarışın ilk günündə 24 döyüş baş tutub.
İdman.Biz bildirir ki, 5 çəki dərəcəsində ilkin qarşılaşmalar olub və növbəti mərhələyə vəsiqə qazanan idmançıların adlarına aydınlıq gəlib.
Ötən yarışın mükafatçılarından Həsən Məlikov, Tural Sarıyev, Amin Məmmədzadə, Ruslan Rüstəmov, Məhəmmədəli Qasımzadə, Zaur Qəhrəmanov və Nəbi İsgəndərov ilk döyüşlərini xeyirlərinə bitiriblər. Həmçinin Tayfur Əliyevlə Ümid Rüstəmov da 1/8 finala yüksəlib.
Azərbaycan çempionatı
22 yanvar
1/16 final
55 kq
Həsən Məlikov ("Neftçi" İK) – Amin Əhmədov (Gəncə) – 5:0
Tural Sarıyev ("Neftçi" İK) – Rəvan Əmirzadə ("Ağa" BK) – 5:0
Elbrus Kərimli (Naxçıvan MR) – Bəyoğlan Xankişiyev ("Roman" İK) – 5:0
Faiq Mollayev (MOİK) – Alik Rəhimxanov (Qusar) – birinci ilk raundda tam üstünlüklə qalib gəlib
Nihat Qədirov ("Roman" İK) – Amin Məmmədzadə ("Qızıl əlcək" İK) – ikinci üçüncü raundda tam üstünlüklə qalib gəlib
60 kq
Tayfur Əliyev ("Neftçi" İK) – Əli Ağayev (AzTU) – ikinci döyüşə gəlməyib
Nicat Mirzəyev ("Abşeron" BK) – Murad Ocaqquliyev (Gəncə) – 0:5
Mahmud Hüseynov (DİN İC) – Ruslan Rüstəmov (MOİK) – 0:5
Ümid Rüstəmov (DİN İC) – Cəlal Əhmədov ("Səbail" İK) – 5:0
Nadir Məlikov (Sumqayıt) – Həbib Bünyatov ("Qızıl əlcək" İK) – 5:0
Nicat Kazımov ("Roman" İK) – Ayxan Qürbətli ("Qızıl əlcək" İK) – birinci ilk raundda tam üstünlüklə qalib gəlib
Xalid Abdullayev ("Arena" İK) – Məhəmmədəli Qasımzadə ("Dəmir Yumruq" BİK) – 0:5
65 kq
Zaur Qəhrəmanov (DİN İC) – Ülvi Mirzəyev (BFL) – birinci üçüncü raundda tam üstünlüklə qalib gəlib
Cəlal Qurbanov (MOİK) – Rəhman Quliyev (Gəncə) – 4:1
Eldəniz Baxşıyev (DİN İC) – Özcan Rəsulzadə (Sumqayıt) – 1:4
80 kq
Rəşad Güləhmədzadə ("Firuz" BK) – Rza Rzazadə (DİN İC) – 0:5
Tural Əliyev (Şirvan) – Fəqan Məmmədov (MOİK) – 0:5
1/8 final
70 kq
Gülbala Abdullayev (Sumqayıt) – Əzədulla Camaləddinov ("Səbail" İK) – ikinci üçüncü raundda tam üstünlüklə qalib gəlib
Orxan Nəcəfquliyev (Sumqayıt) – Murad Seyidli ("Qızıl əlcək" İK) – ikinci ilk raundda tam üstünlüklə qalib gəlib
İsmayıl Namazov (AHİTA) – Vüqar Məmmədov (DİN İC) – 0:5
Şəmsi Şahbazov (MOİK) – Mehdi Həsənov ("Qızıl əlcək" İK) – 0:5
Anar Hüseynov (KNOUT) – Nicat Alırzayev ("Dəmir Yumruq" BİK) – ikinci ilk raundda tam üstünlüklə qalib gəlib
Rövşən Abbasov (DİN İC) – Ələkbər Həbibov ("Roman" İK) – 5:0
Ceyhun Məmmədov (Qusar) – Nəbi İsgəndərov ("Neftçi" İK) – ikinci üçüncü raundda tam üstünlüklə qalib gəlib
Qeyd edək ki, yarışın ikinci günündə də 24 döyüş keçiriləcək. Bakı Boks Mərkəzində təşkil olunan çempionat finaladək saat 12:00-da başlanacaq.
16:55
Kişi və qadın boksçular arasında Azərbaycan çempionatının açılış mərasimi keçirilib.
İdman.Biz xəbər verir ki, bu barədə Boks Federasiyası məlumat yayıb.
Bildirilib ki, tədbir iştirakçı komandaların paradı ilə başlayıb.
Ardınca Dövlət Himni səsləndirilib. Mərasimdə Azərbaycan Boks Federasiyası (ABF) prezidentinin müşaviri Samir Hüseynov bildirib ki, ölkə boksunda son illər böyük nailiyyətlər əldə olunub: "Ötən ilin dekabrında yeni tarix yazıldı. Azərbaycanın 19 yaşlı boksçusu Sübhan Mamedov dünya çempionu tituluna yiyələndi. O, bununla Azərbaycanda deyil, dünyada ən gənc dünya çempionu tituluna sahib oldu. Sevindirici haldır ki, bu il Azərbaycan çempionatında da gənclərdən böyüklər yaş kateqoriyasına bir çox güclü idmançıların keçdiyini görürük. Bu səbəbdən də yarışda böyük rəqabət olacaq. Çempionatın əhəmiyyəti isə ondan ibarətdir ki, artıq Los-Anceles-2028 Yay Olimpiya Oyunları üçün də seçimlərə başlayırıq. Milli komandanın heyəti formalaşmalıdır. Əminəm ki, birgə səyimiz nəticəsində Los-Anceles-2028-də xalqımızı qızıl medallarla sevindirəcəyik".
S.Hüseynov boksda infrastrukturun güclənməsi istiqamətində ciddi addımlar atıldığını vurğulayıb: "Ötən il Cənub Regional Boks Mərkəzinin açılışı oldu. Bu il isə Gəncə və Naxçıvanda infrastrukturun gücləndirilməsi istiqamətində ciddi işlər görüləcək. Nəticə qazanan boksçularımız arasında da Bakı ilə yanaşı, regionlarda yetişənlər də kifayət qədərdir. Əminik ki, milli komandalarımızın uğurlu çıxışı davam edəcək. Məşqçi və hakimlərin təlimlərinə də xüsusi diqqət ayrılacaq".
Çempionatın supervayzeri Sid Ali Mokretari (Əlcəzair) Azərbaycan Boks Federasiyasına dəvət üçün təşəkkür edib. O, yarışın yüksək səviyyədə və ədalətli keçməsi üçün inamla çalışacaqlarını deyib.
Mərasimdən sonra yarış açıq elan olunub.
Qeyd edək ki, Boks Mərkəzində keçirilən çempionatda respublikanın müxtəlif şəhər və rayonlarının klublarını, həmçinin idman cəmiyyətlərini təmsil edən 33 komandanın 166 boksçusu mübarizə aparır. Döyüşləri yerli hakimlərlə yanaşı, xarici referilər də idarə edir.
Çempionatda qaliblərin adına yanvarın 28-də aydınlıq gələcək.
