Idman.biz
Antalyanın Kəmər rayonunda keçirilən İFMA U23 Elit Muaytay üzrə Dünya Çempionatında Azərbaycan Muay Tay Federasiyasının prezidenti Araz Musayevin bıçaq xəsarəti alması ilə bağlı aparılan araşdırmalar çərçivəsində 1-i Rusiyada olan 6 şübhəli tutulub.
İdman.biz Trend-ə istinadən xəbər verir ki, şübhəlilərdən bəzilərinin əvvəlcə kirayə avtomobil, sonra isə taksi ilə qaçmağa çalışdıqları, tanınmamaq üçün paltarlarını dəyişərək üzlərini təraş etdikləri müəyyən edilib.
Hadisə ilə bağlı Kemer Respublika Prokurorluğunun təlimatı ilə İlçe Jandarma Komandirliyi tərəfindən genişmiqyaslı istintaq başladılıb. Aparılan ciddi araşdırmalar və Araz Musayevin ifadəsi əsasında şübhəlilərin şəxsiyyətləri müəyyən edilib. Hadisənin təhrikçisi olduğu iddia edilən Azərbaycan vətəndaşı A.H. İstintaq çərçivəsində Kəmərdə yaxalanıb. Digər şübhəlilər Özbəkistan və Azərbaycan vətəndaşlarının axtarışına başlanıb. Şübhəlilərin Göynük rayonundakı dayanacağa gələrək taksiyə mindikləri və oradan Antalya Hava Limanına getdikləri müəyyən edilib.
Araz Musayevi bıçaqladığı müəyyənləşən şəxslərdən biri Antalya Hava Limanında təqib nəticəsində tutulub. Bir nəfər Rusiyaya qaçmağa nail olsa da şəxs qırmızı bülletenlə axtarışa verilib. Rusiyadakı təhlükəsizlik bölmələri ilə əlaqə saxlandıqdan sonra digər şübhəli də hava limanında yaxalanıb. Şəxsin ekstradisiyası üçün işə başlanılıb. Digər şübhəlinin tutulması istiqamətində işlər davam edir.
Qeyd edək ki, mayın 24-də Kəmərin Göynük rayonundakı Atatürk İdman Sarayında start götürən İFMA U23 Elit Böyüklər Muaytay Dünya Çempionatında iştirak edən Azərbaycan Muaytay Federasiyasının prezidenti Araz Musayev dünən saat 15:00 radələrində yarışın keçirildiyi zalda qarın nahiyəsindən iki bıçaq zərbəsi və başından xəsarət alıb. Zalda olan həkim briqadasının ilk müdaxiləsindən sonra təcili yardımla Kəmər Dövlət Xəstəxanasına aparılıb, daha sonra Antalya Şəhər Xəstəxanasına köçürülüb. Araz Musayevin huşunun yerində olduğu və əməliyyat olunduğu öyrənilib.
İdman.biz
