Idman.biz
"Rafael Fiziyev tam formadadır".
Bu sözləri kikboksinq üzrə yeddi qat dünya və üç qat Avropa çempionu Alim Nəbiyev deyib.
Hazırda MMA döyüşçüsü Rafael Fiziyevlə birgə məşq edən kikboksçu onun növbəti UFC gecəsinə hazırlıq prosesindən danışıb.
"Məşqlər yaxşı keçir. Fikrimcə, R.Fiziyev üç raund ərzində dayanmadan rəqibini döyəcək. Bu qarşılaşmada o, öz səviyyəsini tam şəkildə göstərəcək. Ümumiyyətlə, düşünürəm ki, Rafael Fiziyev rəqibindən daha yaxşı və daha güclüdür. İnşallah, qələbə bizim olacaq" , - deyə o, offsideplus.az-a açıqlamasında bildirib.
A.Nəbiyev hazırlıqların Taylandda keçdiyini də qeyd edib:
"Sağ olsun, məni başqa ölkədən məşq yoldaşı kimi dəvət etdi. Sonrakı proseslərdə də maksimum dəstək göstərdi. Mən onun rəqibi rolunda çıxış edirəm. Demək olar ki, prosesi real döyüş şəraitində aparırıq. Fikrimcə, biz idmançılar daim bir-birimizə dəstək olmalıyıq. Güc birlikdədir".
Qeyd edək ki, Rafael Fiziyevin növbəti döyüşü yanvarın 31-də baş tutacaq. Onun rəqibi braziliyalı Maurisiu Ruffi olacaq.
