Idman.biz
UFC-nin yarımağır çəki dərəcəsində (93 kq-a qədər) hazırkı çempionu olan braziliyalı Aleks Pereyra Ağ Evdə keçirilməsi planlaşdırılan turnirində döyüşməyəcək.
İdman.Biz xəbər verir ki, o, bununla bağlı müvafiq paylaşımı "X" səhifəsində paylaşım edib.
"Görünür, Ağ Ev variant deyil!" - deyə braziliyalı döyüşçü paylaşımında yazıb və postu təşkilatın rəhbəri Dana Uaytla çəkilmiş fotosunu yerləşdirib.
Xatırladaq ki, Aleks Pereyranın 38 yaşı var. "Poatan" ləqəbli döyüşçünün hesabında 13 qələbə var, onlardan 11-i vaxtından əvvəl qazanılıb, həmçinin üç məğlubiyyət qeydə alınıb. Onu da qeyd edək ki, UFC-nin Ağ Evdə keçirilməsi nəzərdə tutulan turniri 14 iyun 2026-cı il tarixinə planlaşdırılıb.
Daha əvvəl A. Pereyra bu tədbirdə Con Consla döyüşmək istədiyini bildirmişdi.
