İdman.biz
Basketbolun 3x3 növü üzrə qadınlardan ibarət Azərbaycan millisi Avropa kubokuna start verib.
İdman.biz xəbər verir ki, Kosovonun paytaxtı Priştinada keçirilən turnirin ilk günündə komandamız ilk matçına çıxıb.
Yığmamız ilk matçında Malta ilə qarşılaşıb. Komandamız 17:14 hesabı ilə qələbə qazanıb. Komandamız qrupda ikinci oyununu sabah Lüksemburqla keçirəcək.
Digər qrupda İrlandiya, Andorra, Kosovo və Kipr gücünü yoxlayacaq.
Avropa kuboku
Təsnifat mərhələsi
A qrupu
8 iyun
17:50. Azərbaycan – Malta - 17:14
9 iyun
14:25. Azərbaycan – Lüksemburq
Qeyd edək ki, iyunun 8-9-da keçiriləcək oyunlarda ilk pillənin sahibi birbaşa Avropa kubokunun həlledici mərhələsinə vəsiqə qazanacaq. Qrup ikinciləri və üçüncüləri çarpaz şəkildə digər qrupla mərhələ adlayacaq növbəti komandanı müəyyənləşdirəcək.
İdman.biz
