Sport24.az
Basketbol üzrə NTD komandasının yeni transferi Kvinton Kempbel klubun mətbuat xidmətinə müsahibə verib. Sport24.az xəbər verir ki, o, Azərbaycan klubuna keçidi haqda danışıb:
"Klub nümayəndələri mənimlə əlaqə saxlayıb geri dönməyimi istədiklərini bildirdilər. Komandaya doğru yola qayıtmaqda və yenidən qalib gəlməkdə kömək etməliyəm. NTD həmişə qalib gəlməyi bacarıb. Keçən mövsümün əvvəlində də mənə təklif gəlmişdi, lakin başqa planlarım var idi. Cari mövsümün əvvəlində də təklif var idi, amma o vaxt hələ başqa variantları nəzərdən keçirirdim. Hər halda, əgər səni klubda görmək istəyirlərsə, bu sənin şəxsiyyətinə və oyunçu kimi bacarıqlarına inandıqlarını göstərir. Və inanırlar ki, sən onlara uğur qazanmaqda kömək edə bilərsən!
Mən gördüm ki, bu mövsüm vəziyyət bir qədər çətindir. Bu idmandı və bəzən belə şeylər baş verir. İdmanda vacib olan necə başladığın deyil. Əsas odur ki, necə mövsümü bitirirsən. Mən məşqçi heyəti ilə danışmışam və onların məqsədi NTD-nin güclü bir klub olduğunu göstərməkdir, gedişatı dəyişmək və yenidən zirvəyə qalxmaqdır. Mənim şəxsi məqsədim isə hər bir oyunda komandaya istənilən şəkildə kömək etməkdir. Azərbaycan basketbol liqasını izlədim, amma çox yaxından izlədiyimi deyə bilmərəm".
