İdman.biz
"İsveçrə yığması fiziki cəhətdən bizi üstələdi. Rəqib təcrübəsi sayəsində daha yaxşı nəticə qazandı".
İdman.biz xəbər verir ki, bunu basketbol üzrə Azərbaycan yığmasının baş məşqçisi Tahir Baxşıyev deyib.
Gənc mütəxəssis DÇ-2027-nin seçmə mərhələsində Bakıda İsveçrə yığmasına 55:85 hesablı məğlubiyyəti şərh edib: "Amil Həmzəyev və Ender Poladxanlının zədə nəticəsində oynamaması təsir göstərdi. Yığmamızda müəyyən təcrübəyə malik basketbolçular olsa da, İsveçrə bu baxımdan daha üstündür. Gənc basketbolçularımızın potensialı var, onlara çox inanıram. Meydana qələbə üçün çıxsaq da, təəssüf ki, fiziki yorğunluq komandaya təsir etdi".
Qeyd edək ki, yığmamız qrup mərhələsində 4 oyundan üçündə uduzub.
İdman.biz
