İdman.biz
"Çətin oyun oldu".
İdman.biz xəbər verir ki, bunu basketbol üzrə Azərbaycan U-16 yığmasının baş məşqçisi Tahir Baxşıyev deyib.
Gənc mütəxəssis Avropa çempionatının C divizionunda qrup mərhələsində Moldova üzərində qazanılan qələbəni şərh edib: "İlk perioda yaxşı başlasaq da, növbəti periodda çoxlu səhvlər buraxdıq. Mudafiədə boşluqlar verdik. Uşaqlar bir az inamsız çıxış etdilər. Fasilədə onlarla danışıqlar aparıb, vəziyyəti dəyişə bildik. Onlara nə etməli olduqlarını başa saldıq. Nəticədə 3-cü və 4-cü periodda əla çıxış edib, inamlı qələbə qazandıq. Bütün basketbol ictimaiyyətini təbrik edirəm".
Qeyd edək ki, ilk oyunda Albaniyaya uduzan (56:60) Azərbaycan ikinci görüşdə Moldovadan güclü olub (78:55).
İdman.biz
