İdman.biz
"Kollektiv daxilində əla atmosfer var".
İdman.biz xəbər verir ki, bunu "Sumqayıt"ın yeni transferi Aleksey Kitayev deyib.
Təcrübəli basketbolçu komandadakı ab-havanı və potensiallarını dəyərləndirib: "Yeni mövsüm ərəfəsində "Naxçıvan"a qarşı keçirdiyimiz hazırlıq oyunu yaxşı komanda olduğumuzu göstərdi. Güclü rəqibə layiqli müqavimət göstərdik. Təbii ki, bir neçə gün əvvəl keçirilən oyunda qalib gəlmək istəyirdik. Amma məğlubiyyətin də müəyyən səbəbləri var. Çünki təzə formalaşmışıq, bir-birimizlə çox oynamamışıq. Uyğunlaşmağa vaxt lazımdır. Komandanın üzvləri fərdi planda çox güclüdür".
Kitayev yeni mövsümdə "Sumqayıt"ın uğurla çıxış edəcəyinə inanır: "Təbii ki, əsas hədəfimiz pley-offa vəsiqə qazanmaqdır. İşlərimiz qaydasında getsə, çempionatın 4 ən güclü komandası sırasına da yüksələ bilərik. Bunun üçün biz oyundan-oyuna artırmalıyıq. Artıq "Ordu" klubu ilə ilk oyunda nəyə qadir olduğumuzu göstərməliyik. Mövsümün ilk matçında sumqayıtlı basketbol həvəskarlarını Sumqayıt Olimpiya İdman Kompleksinə oyunumuzu izləməyə dəvət edirəm. Ümid edirəm ki, bu oyunda məhz onların dəstəyi ilə "Sumqayıt" qalib gələcək".
Qeyd edək ki, "Sumqayıt" ilk turda "Ordu"nu sınağa çəkəcək. Oyun oktyabrın 20-də keçiriləcək.
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
