İdman.biz
"Xəzri" ilə final matçında karyeramın bəlkə ən yaxşı oyununu göstərdim".
Bunu İdman.bizə açıqlamasında "Sabah"ın basketbolçusu Şirzad Şirzadov deyib.
O, Azərbaycan Basketbol Liqasında çempion olduqları 2023/2024 mövsümünü dəyərləndirib. Şirzadovun sözlərinə görə, çox çətin il keçiriblər: "Axrıncı oyunlar sözün əsl mənasında gərgin keçdi. Çempion olduğumuz üçün çox sevinirəm. Final seriyasının ilk oyununda Endərin və Əlikamranın olmaması çətinlik yaratdı. Lakin sonra onların qayıtması ilə öz oynumuzu göstərə bildik. Bu mövsüm çox çalışmışdıq, buna görə də istədiyimizə nail olduq. Bundan sonra da əsas hədəfimiz yenidən ölkə çempionu olmaqdır. Həmçinin avrokubokda ölkəmizi layiqincə təmsil etmək əsas vəzifələrimizdən biridir".
Qeyd edək ki, "Sabah" final seriyasında "Xəzri"yə 3:1 hesab ilə qalib gəlib.
Banuçiçək Hüseynli
İdman.biz
