Sport24.az
"Mübarizənin dozası çox olan bir matç alındı". Sport24.az xəbər verir ki, bunu "Şəki"nin baş məşqçisi Bedri Meriç klubun mətbuat xidmətinə açıqlamasında deyib.
Türkiyəli mütəxəssis Azərbaycan Basketbol Liqasının pley-off mərhələsində "Gəncə" ilə ilk oyunu dəyərləndirib. O, overtaymda 85:84 hesablı qələbəyə baxmayaraq, komandasının oyununda müəyyən çatışmazlıqların olduğunu bildirib:
"Gəncə" ilə matçlarımız həmişə belə keçir, izləyici və tamaşaçılar üçün çox maraqlı oyunlar olur. Açığı, texniki baxımdan çox yaxşı çıxış etmədik. Xüsusən müdafiədə uzunboylu oyunçularımız zəif oynadı. Bir basketbolçumuz zədələnib çıxdı, digəri texniki faul aldı. Bununla belə, basketbolun texniki tərəfi ilə yox, sadəcə, mübarizə aparıb qalib gəldik. Bu, pley-offun 1-ci matçı idi. Heç nə bitməyib".
Meriç cavab qarşılaşmasında da uğurlu nəticə əldə edəcəklərinə ümidli olduğunu vurğulayıb:
"Rəqib meydanında daha bir matçımız var. Həmin oyunda da qalib gəlmək üçün əlimizdən gələni edəcəyik. Bu mövsüm ilk dəfə Gəncəyə oyundan 1 gün əvvəl gedəcəyik. Ehtiyatdan girən Pol Dibal, Tomi Lyuk, Adebayo Oduleye bu oyunda bizə çox xeyir verdi. Bu bir komanda olmağımızın göstəricisidir. Ona görə də bütün oyunçularımla qürur duyuram".
Qeyd edək ki, ikinci görüş aprelin 20-də Gəncə İdman Sarayında baş tutacaq.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
