Idman.biz
"Biz sadəcə işimizi gördük".
Bunu İdman.biz-ə "Sabah"ın basketbolçusu Klavs Çavars deyib.
Latviya millisinin də şərəfini qoruyan oyunçu Azərbaycan çempionatının yarımfinalında "Şəki"ni mübarizədən kənarlaşdırmalarına münasibət bildirib. Çavarsın sözlərinə görə, əyalət komandasına qarşı layiqli mübarizə aparıblar: "Öz oyunumuzu göstərdik və rəqibə müdafiədə fiziki oyun təklif etdik. İlk dəqiqədən görüşə nəzarət etdik. Bunun nəticəsində də qələbə qazandıq".
Basketbolçu "Neftçi" ilə final oyunları öncəsi də fikirlərini açıqlayıb: "Bu rəqiblə mövsüm ərzində bir neçə dəfə qarşılaşmışıq. "Neftçi"nin nəyə qadir olduğunu bilirik. Onları təhlil etmişik. Taktiki, praktiki olaraq oyuna hazırıq. Bizə xas olan intensiv basketbolu "Neftçi" ilə qarşılaşmalarda da davam etdirəcəyik".
Qeyd edək ki, "Sabah"la "Neftçi" arasında ilk final qarşılaşması mayın 2-də Bakı İdman Sarayında keçiriləcək.
Aytac Sahəd
İdman.biz
