Sport24.az
"Sabah" matçına NTD ilə çətin keçən oyundan sonra ara vermədən hazırlaşdıq". Sport24.az xəbər verir ki, "Sərhədçi" basketbol klubunun baş məşqçisi Evren Alkaya klubun mətbuat xidmətinə açıqlamasında deyib.
O, Azərbaycan Basketbol Liqasının XVI turunda "Sabah"la oyuna hazırlıqdan danışıb: "Cəmi bir gün oyunçularımız istirahətdə oldu. Daha sonra məşqlərimizi davam etdirdik. "Sabah"ın çox güclü komanda olduğunu bilirik. Yaxşı məşqçi ilə meydanda özlərini göstərməyi bacarırlar. Yeni transferlərlə daha da gücləndiklərini deyə bilərik. Biz də onların güclü və zəif tərəflərini öyrəndik, ona uyğun çalışdıq. Qalibiyyət üçün əlimizdən gələni edəcəyik".
Məşqçi komandada zədəlilərin olduğunu bildirib: "Əsas oyunçularımızdan Milenko Velikoviçin belində ağrılar yarandı. Böyük ehtimal oynaya bilməyəcək. Eyni zamanda, Antonio Uliyamsın da yüksək temperaturu var. Həkimlərimizdən xəbər gözləyirik. Ümid edirəm ki, onlar meydana çıxa bilərlər. Marlon Teylor da sağ biləyindən zədə alıb və müalicəsi davam edir. Üç önəmli basketbolçumuz olmayacaq. Ümid edirəm ki, digər oyunçularımızla matçı qazana bilərik".
Qeyd edək ki, "Sərhədçi" - "Sabah" oyununun start fiti bu gün saat 19:00-da səslənəcək.
