İdman.biz
"Sabah" basketbol klubu bu gün növbəti avrokubok matçına çıxıb.
İdman.biz xəbər verir ki, Azərbaycan çempionu FİBA Avropa kubokunun V turu çərçivəsində Yunanıstanda "Marussi"nin qonağı olub.
Rimas Kurtinaytisin yetirmələri Bakıda 70:82 hesablı məğlubiyyətin revanşını almağa çalışıblar. Təmsilçimiz böyük fasiləyə üstün yollansa da, 3-cü periodda yunanlar vəziyyəti öz xeyirlərinə dəyişiblər. 15 xallıq fərq matçın qalan dəqiqələrində "Marussi"nin qələbə qazanması üçün kifayət edib.
Qeyd edək ki, G qrupunun digər oyununda "Spirou" "Nörçöppinq"i sınağa çəkəcək.
FİBA Avropa kuboku
G qrupu, V tur
6 noyabr
22:15. "Marussi" (Yunanıstan) - "Sabah" - 82:71 (12:15, 19:22, 31:16, 20:18)
Hakimlər: Marek Kukelçik (Slovakiya), Nemanya Ninkoviç (Serbiya), Mladen Luçiç (Montoneqro)
Marussi Saint Tomas Sarayı
| 1 | Spirou | 4 | 4 | 0 | 336-303 | 8 |
| 2 | Marussi | 5 | 3 | 2 | 321-303 | 8 |
| 3 | Nörçöppinq | 4 | 2 | 2 | 313-337 | 6 |
| 4 | Sabah | 5 | 0 | 5 | 289-316 | 5 |
İdman.biz
