İdman.biz
"Əsas heyət üzvü olan 2 yerli basketbolçumuzun diskvalifikasiya səbəbindən komandamıza kömək edə bilməməsi oyunumuza mənfi təsir göstərdi".
İdman.biz xəbər verir ki, bunu kişi basketbolçulardan ibarət "Sabah" klubunun baş məşqçisi Rimas Kurtinaytis deyib.
Litvalı mütəxəssis Azərbaycan Basketbol Liqasının final seriyasının "Xəzri" ilə ilk matçı barədə fikirlərini klubun mətbuat xidmətinə açıqlayıb: "3+2 limitində isə yerli basketbolçu amili böyük fərq yaradır. Onları əvəzləməli olan digər yerli basketbolçularımız isə 30 dəqiqə oynamağa hazır deyildi. Bundan əlavə basketbolçularımızın oyuna yanaşmasını da bəyənmədim. Enerji hiss olunmurdu. Lakin istənilən halda final seriyası 3 qələbəyə kimi davam edir. Qısa müddət ərzində toparlanıb final seriyasının ikinci oyununa yaxşı hazırlaşmalıyıq".
Qeyd edək ki, "Sabah" "Xəzri" ilə ilk matçda 75:90 hesabı ilə məğlub olub.
İdman.biz
