İdman.biz
"Səbirsizliklə yeni mövsümün başlamasını gözləyirəm"
İdman.biz xəbər verir ki, bunu "Ordu"nun basketbolçusu Ramme Griffin klubun mətbuat xidmətinə açıqlamasında deyib.
Onun sözlərinə görə, hər bir komanda ciddi rəqabət aparacaq: "Ancaq biz özümüzü basketbol ictimaiyyətinə yeni klub kimi göstərmək istəyirik. Yaxşı komandalar çoxdur, lakin klubumuza yaxşı köklənmişik. Hər oyunda ciddi rəqabət aparacağıq, göstərəcəyik ki, heç kimdən qorxmuruq. Bütün komandalar açılış matçlarına hazırdırlar. Amma bununla bərabər bütün oyunlar önəmlidir. Belə bir heyətdə olduğuma və yaxşı məşqçilərlə işlədiyimə görə çox xoşbəxtəm. Oyunçuların xarakteri çox güclüdür. Hesab edirəm ki, çox yaxşı heyət formalaşıb və öz gücümüzü oyunlarda göstərəcəyik".
İdman.biz
