Bu gün Azərbaycan Basketbol Liqasında pley-off mərhələsinə yekun vurulub.
İdman.biz xəbər verir ki, sonuncu yarımfinalçı "Sərhədçi" və "Xəzri" arasındakı üçüncü matçda bəlli olub.
Qarşılaşma "Sərhədçi" İdman Mərkəzində baş tutub. "Xəzri" basketbolçuları bu dəfə ciddi çətinlik çəkməyiblər. İlk 2 periodda böyük üstünlük qazanan Murat Dikmenin yetirmələri sonda 19 xallıq fərqlə qalib gəliblər.
Qeyd edək ki, "Xəzri" yarımfinalda NTD-İNDİQO ilə qarşılaşacaq. Digər cütdə isə "Xırdalan"la "Sabah" üz-üzə gələcək.
Azərbaycan Basketbol Liqası
Pley-off mərhələsi
1/4 final, 3-cü oyun
5 may
19:30. "Sərhədçi" – "Xəzri" - 71:90 (18:28, 12:23, 24:21, 16:19)
"Sərhədçi" İdman Mərkəzi
Seriyada hesab – 1:1
İdman.biz