Sport24.az
"Bura gəlişimdə məqsəd komandaya kömək etməkdir". Sport24.az xəbər verir ki, bunu "Sabah"ın basketbolçusu Trey Sampson klubun mətbuat xidmətinə açıqlamasında deyib.
24 yaşlı hücumçu Bakı təmsilçisinə keçidini şərh edib:
"Milad bayramından öncə agentim mənə zəng vuraraq "Sabah" klubunun xidmətində maraqlı olduğunu bildirdi. Mən də bu keçidə razılıq verdim. "Sabah"da bir neçə oyunçunu tanıyıram. Misal üçün: Hassani, Duval. Transferdən öncə Trevon Duvalla əlaqə saxlamışam. Onunla bir komandada çıxış edəcəyimə görə şadam. Komandanın avrokubok görüşlərini izləmişəm. Çətin oyunlar oldu. "Sabah" azarkeşlərinə demək istərdim ki, bizi izləməyə davam etsinlər, onları sevindirməyə çalışacağıq".
Qeyd edək ki, amerikalı oyunçunun son klubu İsveçrə "Luqano Tiqers"i olub.
