Sport24.az
Azərbaycanı FIBA Çempionlar Liqasında təmsil edəcək kişi basketbolçulardan ibarət "Sabah" klubu ötən gecə təlim-məşq toplanışı üçün Litvaya yollanıb. Sport24.az xəbər verir ki, bu barədə paytaxt təmsilçisinin mətbuat xidməti məlumat yayıb.
Məlumatda qeyd edilir ki, hazırlıq prosesi sentyabrın 10-dək davam edəcək. Komanda Litvada bir neçə yoxlama matçı da keçirəcək.
Xatırladaq ki, Azərbaycan basketbolu tarixində ilk dəfə ölkəmizi FIBA Çempionlar Liqasında təmsil edəcək "Sabah" BK təsnifat mərhələsini qalib başa vuracağı təqdirdə müntəzəm mövsümün "G" qrupunda "Derthona" (İtaliya), "Chemnitz 99" (Almaniya) və "Manresa" (İspaniya) klubları ilə qarşılaşacaq.
Təsnifat mərhələsinin oyunları 17-22 sentyabrda keçiriləcək.
