Sport24.az
"Son turda "Ordu"ya şanssız şəkildə uduzduq". Sport24.az xəbər verir ki, bunu "Quba" basketbol klubunun baş məşqçisi Şəhriyar Əsgərov deyib.
Onun sözlərinə görə, Azərbaycan çempionatının X turu çərçivəsində "Ordu" ilə görüşdə itkilər səbəbindən lazımı nəticəni əldə edə bilməyiblər.
Əsgərov bu gün keçiriləcək görüş öncəsi fikirlərini də açıqlayıb: "Ordu" ilə matçdan sonra məhz "Sumqayıt"la görüşə hazırlaşmışıq. Təbii ki, qrupda heç bir komandaya qarşı oynamaq asan deyil. Hər bir rəqiblə görüşdə qalib gəlmək üçün taktiki gedişlər işləməlidir, performans göstərmək lazımdır. Təbii ki, rotasiya geniş olanda daha yaxşıdır. "Sumqayıt"la görüşə də yaxşı hazırlaşmışıq. Əvvəlki görüşlərdəki səhvlərimizi analiz etmişik. Çalışacağıq ki, bu matçda qalib gələk və xal ehtiyatımızı artıraq. Hər şeyin bizim üçün yaxşı alınacağına və qələbə qazanacağımıza ümid edirəm".
Qeyd edək ki, "Sumqayıt" - "Quba" oyunu saat 19:00-da start götürəcək.
