Sport24.az
"Bu komandaya keçmək xeyrimə oldu. İspaniyalı baş məşqçi Alberto Blankonun rəhbərliyi altında oynamaq şansını əldən buraxa bilməzdim". Sport24.az xəbər verir ki, bunu "Ordu"nun heyətinə yeni cəlb etdiyi basketbolçu Marcale Lotts klubun mətbuat xidmətinə açıqlamasında deyib.
ABŞ-dən olan 31 yaşlı oyunçu baş məşqçini tərifləməklə yanaşı, komandaya uyğunlaşdığını bildirib:
"Onun basketbol fəlsəfəsi xoşuma gəlir və hesab edirəm ki, Blankonun taktiki sxemində özümü yaxşı tərəfdən göstərəcəyəm. "Ordu"nun əla heyəti var. Bu, mənə əlavə motivasiya verir. Fikrimcə, bu komandaya keçməklə yenidən yüksək səviyyədə oynaya biləcəyəm".
