İdman.biz
Ölkəmizi FIBA Çempionlar Liqasında təmsil edəcək "Sabah" Basketbol Klubu heyətini daha bir legionerlə gücləndirib.
Bakı təmsilçisindən İdman.bizə verilən məlumata görə, amerikalı basketbolçu Trevon Duvalla 1 illik müqavilə imzalanıb.
2017-ci ildə ABŞ-da məktəb liqasında 1 nömrəli oyun qurucusu seçilən 188 boya malik Trevon "Duke Blue Devils"in heyətində NCCA 1-ci divizionunda çıxış edib. 26 yaşlı basketbolçu 2018/2019 mövsümündə "Miluoki"nin heyətində NBA-də debüt edib. Duval son mövsümü Türkiyə Super Liqasında mübarizə aparan "Manisa BB" klubunda keçirib.
O, 2014, 2015 və 2016-cı illərdə ABŞ millisinin aşağı yaş qruplarının təlim-məşq toplanışına çağırılıb.
İdman.biz
