Sport24.az
"Uzaqdan atışları lazımi şəkildə yerinə yetirə bilmədik". Sport24.az xəbər verir ki, bunu "Lənkəran"ın baş məşqçisi Georgi Kondruseviç Azərbaycan Basketbol Liqasının 16-cı turunda evdə "Sumqayıt"la görüşdən sonra klubun mətbuat xidmətinə açıqlamasında bildirib.
Mütəxəssis rəqibin hücumlarının daha effektli olduğunu vurğulayıb:
"Şəkidəki oyundan sonra komandada yol yorğunluğu var idi. Həm də kasad heyətlə mübarizə aparırdıq. Uzaqdan atışları lazımi şəkildə yerinə yetirə bilmədik. Rəqib bizdən daha yaxşı hücum edirdi. Oyunun əvvəlində üstünlüyümüz var idi. Amma bu, sonda da belə olacağı anlamına gəlmir. Basketbolda 11 xallıq fərqi bir neçə dəqiqəyə "əritmək" mümkündür. Biz rəqibə bunu etməyə imkan verdik".
"Lənkəran" – "Sumqayıt" matçı qonaq komandanın 88:83 hesablı qələbəsi ilə başa çatıb.
