Sport24.az
"İlk növbədə bizi səfər oyununda tək buraxmayan, dəstək verən azarkeşlərimizə təşəkkür edirəm". Sport24.az xəbər verir ki, bunu "Gəncə"nin baş məşqçisi Halil Atlı "Ordu" ilə oyundan sonra fikirlərini klubun mətbuat xidmətinə deyib.
Türkiyəli mütəxəssis görüşün basketbolsevərlər üçün yaxşı oyun olduğunu bildirib: "Azarkeşlərə Bakıda qələbəni ərmağan etmək istədik. Amma olmadı. Heyətdə itkimiz var idi. Rotasiya etmək imkanımız geniş deyildi. Oyun planımızı da buna uyğun qurmuşduq. Meydanda yaxşı işlər gördük. Sona kimi də mücadilə etdik. Amma bəsit bir-iki səhvdən sonra əsas vaxtda üstünlüyü verdik. Matçda əlavə hissə oynanıldı. Orada da sıradan səhvlərdən görüşü az fərqlə uduzduq".
Baş məşqçi qarşıdakı oyunlara diqqət edəcəklərini vurğulayıb: "Çatışmazlıqları aradan qaldırılmağa çalışacağıq. Azarkeşlərimizə yaxşı oyunlar göstərmək, onları sevindirmək istəyirik".
Qeyd edək ki, bu gün Azərbaycan Basketbol Liqasının XIII turunda "Gəncə" səfər matçında "Ordu"ya 93:90 hesabı ilə uduzub.
